‘இதற்கு தானே ஆசை பட்டாய் ‘ படத்தில் ஜோடி சேர்ந்து நடித்து வெற்றி பெற்ற அஸ்வின் மற்றும் ஸ்வாதியின் வெற்றி கூட்டணியின் அடுத்த படம் ‘திரி’ .இவர்களுடன் ஜெயப்ரகாஷ், A L அழகப்பன் , டேனியல், சென்றாயன் மற்றும் அனுபமா குமார் போன்ற பிரபல நடிகர்களும் நடித்துள்ளனர்.
புதுமுக இயக்குனர் திரு.அசோக் அம்ரித்ராஜ் இயக்கியுள்ளார் ஸீ கோல்ட் ப்ரொடக்க்ஷன் சார்பில் திரு.பால முருகன் மற்றும் பாலகோபி சேர்ந்து தயாரித்துள்ளனர்.
ஒளிப்பதிவு K G வெங்கடேஷ். இசை அஜீஸ் அசோக். படத்தொகுப்பு ராஜா சேதுபதி.
”திரி ஒரு அரசியல் சார்ந்த திரில்லர் படம் . ஆனாலும் இதில் குடும்ப பந்தங்களை பற்றி அழகாக பேசப்பட்டுள்ளது.action-காமெடி -காதல் மற்றும் செண்டிமெண்ட், ஆகியவற்றை சரியான அளவில் கலந்து தந்துள்ளார் இயக்குனர். இப்படத்தில் தந்தை -மகன் உறவு பற்றி மிக யதார்த்தமாகவும் அழகாகவும் காண்பித்துள்ளார் இயக்குனர். ஜெயப்ரகாஷ் எனது அப்பாவாக நடித்துள்ளார். A L அழகப்பன் ஒரு முக்கிய கதாபாத்திரத்தில் நடித்துள்ளார். ‘திரி’ சில சமுதாய அவலங்களை பற்றி பேசும் ஜனரஞ்சகமான குடும்ப படம். திரி ரிலீசிற்கு நாங்கள் அனைவரும் மிக ஆவலோடு காத்துக்கொண்டிருக்கிறோம்” என மிக ஆவலோடு கூறினார் கதாநாயகன் அஸ்வின்.
