தயாரிப்பாளர் சத்திய நாராயண கொனரு இயக்குனர் ரமேஷ் வர்மாவுக்கு சொகுசு கார் ஒன்றை பரிசளித்துள்ளார்.
பிப்ரவரி மாதம் 11 ஆம் தேதி ரவி தேஜா நடித்த கிலாடி திரைப்படம் வெளியாகிறது.
தெலுங்கில் தயாராகியிருக்கும் இந்தத் திரைப்படத்தை ரமேஷ் வர்மா இயக்கியிருக்கிறார்.
ரவி தேஜாவுடன் டிம்பிள் கயாதி, அர்ஜுன் சர்ஜா, உன்னி முகுந்தன், மீனாட்சி சவுத்ரி ஆகியோரும் நடித்துள்ளனர்.
தேவி ஸ்ரீ பிரசாத் இசையமைத்துள்ளார். இந்தப் படம் திரைக்கு வரும் முன்பே படத்தின் தயாரிப்பாளர் சத்திய நாராயண கொனரு இயக்குனர் ரமேஷ் வர்மாவுக்கு சொகுசு கார் ஒன்றை பரிசளித்துள்ளார்.
சில லட்சங்கள் பெறுமானமுள்ள காரையே இதுவரை இயக்குனர்களுக்கு பரிசளித்து வந்தனர்.
ஆனால் முதல் முறையாக சத்யநாராயண கொனரு ரூபாய் 1.15 கோடி மதிப்பிலான ரேஞ்ச் ரோவர் காரை இயக்குனர் ரமேஷ் வர்மாவுக்கு பரிசளித்து தெலுங்கு திரையுலகை ஆச்சரியப்பட வைத்துள்ளார்.
படம் வெளிவரும் முன்பே இவ்வளவு இவ்வளவு பெரிய பரிசை தயாரிப்பாளர் அளித்து இருப்பதற்கு காரணம், கிலாடி படத்தின் அனைத்து உரிமைகளும் மிகப்பெரிய தொகைக்கு விலை போயிருக்கிறது.
அந்த மகிழ்ச்சியின் வெளிப்பாடு தான் சொகுசு கார் பரிசளிப்பு என்கிறார்கள் படக்குழுவினர்.
