”ஆண்மையற்றவர்கள்” யார் ராயல்டி கொடுத்துதான் பாடல்களை பயன்படுத்தினோம் – இளையராஜாவுக்கு பதிலடி கொடுத்த 96 படக்குழு
விஜய் சேதுபதி-திரிஷா நடிப்பில் பிரேம் குமார் இயக்கத்தில் வெள்யாகி சமீபத்தில் ஹிட் அடித்த படம் 96. தமிழ் மட்டுமல்லாமல் தெலுங்கிலும் 99 என்ற பெயரில் இந்த படம் உருவாகி வருகிறது. தமிழ் 96 படத்தில் கோவிந்த் வசந்த் இசையமைத்திருந்தாலும் பல இடங்களில் இளையராஜாவின் பாடல்கள் பயன்படுத்தப்பட்டது.
இது குறித்து சமீபத்தில் பேசிய இளையராஜா “96 படக்குழுவுக்கு ஆண்மையில்லை சுயமாக இசைபோடாமல் என் அனுமதி இன்றி பாடல்களை பயன் படுத்தி இருக்கிறார்கள்” என்று கடுமையாக குற்றம் சாட்டினார்.
இளையராஜாவின் இந்த ஆண்மையில்லாதவர்கள் பேச்சு தமிழ் திரையுலகில் பெரும் சர்ச்சையை ஏற்படுத்தியது.
இது குறித்து பட இயக்குனர் பிரேம் தரப்பில் விசாரித்த போது “நாங்கள் பயன்படுத்திய எல்லா பாடல்களுக்கும் உரிய ராயல்டி கொடுத்துதான் பயன்படுத்தி இருக்கிறோம். அவர் இத்தனை பெரிய வார்த்தையை பயன்படுத்தி இருக்க வேண்டாம்” என்று முடித்து கொண்டார்.
சமீப காலமாகவே இளையராஜா ரொம்பவும் உணர்ச்சிவசப்பட்டு ஏதாவது பேசி சர்ச்சையை ஏற்படுத்தி கொள்கிறார். இதற்கு முன் இப்போதுள்ள இசையமைப்பாளர்கள் யாருக்கும் இசை என்பதே தெரியவில்லை என்பது போன்ற ஒரு கருத்தை வெளியிட்டு சர்ச்சையானது குறிப்பிடத்தக்கது.
