ஹரி இயக்கத்தில் மீண்டும் சூர்யா நடிக்கும் புதிய படம் அருவா!
ஹரியும் சூர்யாவும் இணைந்து சிங்கம், வேல் என பல ஹிட் படங்களை கொடுத்திருக்கிறார்கள்.
மீண்டும் இந்த கூட்டணி இணைந்துள்ளது. இந்த கூட்டணியை இணைத்தது ஸ்டுடியோ கிரீன் ஞானவேல் ராஜா. இவர் தயாரிப்பில் உருவாக உள்ள படத்துக்கு அருவா என்று பேர் வைத்து இருக்கிறார்கள். டி இமான் இசையமைக்கிறார். ஏப்ரலில் தொடங்கி ஒரே ஷெட்யூலில் படத்தை முடித்து தீபாவளிக்கு ரிலீஸ் செய்ய திட்டம்.
படத்தலைப்பு அருவா என்பதால் கண்டிப்பாக ஆக்ஷன் தூள் பறக்கும் என தெரிகிறது.
அதே நேரம் அருவா படத்தலைப்பு சின்ன சலசலப்பை ஏற்படுத்தி உள்ளது. சில ஆண்டுகளுக்கு முன் வெளியாகி ஹிட் ஆன சிலந்தி படத்தின் இயக்குனர் ஆதிராஜன் இப்போது அருவா சண்ட என்ற படத்தை இயக்கி இருக்கிறார். இதில் சரண்யா பொன்வண்ணன் முக்கிய கதாபாத்திரத்தில் நடித்திருக்கிறார். சென்சார் அதிகாரிகளால் பாராட்டை பெற்ற அருவா சண்ட படம் ரிலீசுக்கு தயாராகி வருகிறது. இந்த நிலையில் அந்த பட டைட்டிலின் முதல் பகுதியான அருவா பெயரில் பிரபல நடிகர் சூர்யா பட அறிவிப்பு அந்த அருவா ச்ண்ட படக்குழுவை கடும் அதிர்ச்சி அடைய வைத்துள்ளது.
தமிழில் படத்தலைப்பு சிக்கல் தொடர்கதையாக வருவது ஒன்னும் புதுசு இல்லை என்றாலும் ரிலீசுக்கு ரெடியான படப் பெயரில் பாதியை இன்னொரு படத்துக்கு வைப்பது நியாயமா என்ற கேள்வியும் எழுந்துள்ளது.
– கோடங்கி