1400 வருடம் முன் சூரியனில் இருந்து விழுந்த மருத்துவ குணம் வாய்ந்த ஒரு அபூர்வ பொருளைத் தேடும் இந்திய தொல்லியல் துறையின் வீர தீரம் தான் கரு!
பல நூறு ஆண்டுகளுக்கு முன்பாக சூரியனிலிருந்து தெறித்துவரும் ஒரு சிறியதுகள் பூமியில் வந்து விழுகிறது.மனிதனுக்கு ஏற்படும், எப்பேர்பட்ட காயங்களையும், தீராத நோய்களையும் குணப்படுத்தும் சக்தி அந்த துகளுக்கு இருப்பதால் சித்தர்கள்அதை ஒரு ரகசிய இடத்தில் வைக்கிறார்கள். அவர்கள்காலத்திற்குப் பிறகு அந்தப் பொருள் எங்கே இருக்கிறது என்பது தெரியாமலேயே போய்விடுகிறது.இதை தொல்பொருள்ஆராய்ச்சியின்பேராசிரியராக இருக்கும் சச்சின்கேதகர் தேட ஆரம்பிக்கிறார்.
இவரிடம் உதவியாளராக வந்துசேருகிறார் இந்திரஜித். -கௌதம் கார்த்திக், அதேநேரத்தில் ,இந்திய தொல்லியல்துறையைச் சேர்ந்த அதிகாரிஒருவரும் அந்தப்பொருளைத்தேடுகிறார். இறுதியில் அந்த சக்தி வாய்ந்தசிறு துகள் யாரிடம் கிடைத்தது? சரியான வரிடம் கிடைத்ததா ? இல்லையா ..? அது சரியான வரிடம் கிடைக்க ., ஹீரோ கெளதம் கார்த்திக் எப்படி உதவுகிறார் ..?என்பதுடன் இன்னும் பல ஹாஸ்ய ,சுவாரஸ்ய விஷயங்களை கலந்து கட்டி வித்தியாசமாகவும் , விறுவிறுப்பாகவும் செல்கிறது “இந்திரஜித்” படத்தின் கதைமொத்தமும் !
“வி ” கிரியேஷன்ஸ் பேனரில் கலைப்புலி எஸ்.தாணு தயாரிப்பில் , நடிகர் கௌதம் கார்த்திக் ஜோடியாக அறிமுக , புதுமுக நடிகையர் சொனாரிகா பதோரியா, அஷ்ரிதா ஷெட்டி என இருவர் நடிக்க ., “சக்கரகட்டி ” இயக்குனர்கலா பிரபு இயக்கத்தில் வெளி வந்திருக்கும் படமான “இந்திரஜித்.”தில் ஒவ்வொரு காட்சிகளும் பிரமிக்கதக்க வகையில் பிரமாண்டமாக காட்சிப்படுத்தப்பட்டிருப்பது ஓகே …. மேலும் ,பல கதைகள் தமிழ் சினிமாவிலும் , இந்திய சினிமாக்களிலும் , ஏதேனும் ஒரு முக்கியத்துவம் வாய்ந்த பொருளையோ , பொக்கிஷப் புதையல்களையோ தேடிப் புறப்படும் பல கதைகள் வெளிவந்திருந்தாலும், ஹாலிவுட்படங்களைப் போல எதையும் குறிப்பிட்டுச் சொல்ல முடியாது.தொழில்நுட்பக் குறைபாடுகளால் பல தமிழ்ப் படங்கள் தோல்வியை சந்தித்து இருக்கிறது. ஆனால்,’இந்திரஜித்’ படம் சிறந்த ஆக்ஷன் அட்வென்ச்சர் படமாக காட்சிப்படுத்தப்பட்டு வெளிவந்திருக்கிறது… என்பது அதிசயிக்கதக்க விஷயமாகும் .
ஹீரோவாக நடித்திருக்கும் கெளதம் கார்த்திக், தனக்கே உரிய குறும்புத்தனமான நடிப்பால் ரசிகர்களை கவர்ந்திருக்கிறார். மேலும் ,தன் துள்ளல் துவட்டல் உற்சாகத்தால் ரசிகர்களை ஈர்க்கிறார் .
படத்தில் சொனாரிகா பதோரியா, அஷ்ரிதா ஷெட்டி இரண்டு கதாநாயகிகள் இருந்தாலும், அவர்களுடன் கதாநாயகர் ரொமன்ஸ் செய்யும் வாய்ப்பும் டூயட் பாடும் காட்சிகளும் சொற்ப அளவிலேயே இருக்கிறது என்பது சற்றே நெருடல்!
அதிலும் ,சொனாரிகா சில ஆரம்பகாட்சிகளில் வந்து காணாமல் போனாலும் அஷ்ரிதா ஷெட்டி ., கெளதம் கார்த்திக் குழுவினருக்கு அருணாச்சல பிரதேசத்தில் உதவி செய்யும் பெண்ணாக படம் முழுக்க வந்து ஆறுதல் அளிக்கிறார்… என்பது கூடுதல் ப்ளஸ்!
காட்டுக்குள் நடக்கும் ஜீப் சேசிங்காட்சிகளையும், அழகிய அடர்ந்த காட்டின் ரம்மியத்தையும் அழகாகப் படம்பிடித்திருக்கிறார் ஒளிப்பதிவாளர் இராசாமதி.
கே.பி. இசையில் ” எத்தனை காட்சிகள் கண்ணோடு … ” உள்ளிட்ட பாடல்கள் அனைத்தும் கேட்கும் ரகம். மேலும் , அதிரடி பின்னணி இசை, கதையின் சவாலான ஓட்டத்திற்கு பெரிதும் உதவிஇருக்கிறது. வாவ்!
“ஒரு பொருளோட பயன் அந்த பொருளுக்கு தெரியாது. பயனாளிக்குத் தான் தெரியும்.”, ” அதிகாரம் இருக்கறவங்க நினைச்சா சரிங்கறது தப்பு .தப்புங்கறது சரி….”, “தப்ப தெரியாம செய்யதா அது , பிழை … தெரிந்தே செய்வது தப்பு ….” உள்ளிட்ட இப்படத்தில் இடம்பெறும் அர்த்தம் பொதிந்த வசனங்களும் , “நான் கழட்டியதை நீ பார்த்தல்ல …. நீ கழட்டுறத நான் பார்க்கணும்….” என்பது போன்ற ஜாலி வசனங்களும் படத்திற்கு பலம் .என்றால் , நடுக்காட்டில் இரயிலை மறிக்கும் யானை சபாரி மற்றும் , கோவா கார் சேஸிங் காட்சிகள் மலை பாங்கில் ஜீப் சேஸிங் காட்சிகள் இப்படத்திற்கு மேலும் , பெரும் பலம்!
காமிக்ஸ் மாதிரி சீரியஸாக இப்படத்தை எடுக்க முயன்றிருக்கும் இயக்குனர் ., சில இடங்களில் காமெடியை நம்பி ஏமாந்திருப்பது சற்றே பலவீனம்.
இளம் இயக்குனர் கலா பிரபு ., தன் எழுத்து , இயக்கத்தில் … புதையல் தேடும் கதையைஅறிவியல் ரீதியாக மாற்றி கலர்புல் பேன்டஸியாக சொல்ல முயற்சித்திருக்கிறார் . கண்களைக் கவரும் சிஜி -கிராபிக்ஸ், காட்சிகள் கைத்தட்டி ரசிக்கும் படி இருக்கிறது. பலகாட்சிகள் பார்க்கும் போது, படுபிரமாண்டமாகவும் பிரமிப்பாகவும் இருக்கிறது என்பது இப்படத்திற்கு பெரிய ப்ளஸ். இயக்குனர் கலா பிரபு ., தனது எழுத்தில் வடித்த திரைக்கதையில் , இன்னும் சற்றே நம்பக்கூடிய வகையிலான விறுவிறுப்பையும் சுவாரஸ்யத்தையும் சேர்த்திருந்தால் இன்னும் , கூடுதலாக இப்படத்தை ரசித்திருக்கலாம்…. என்றாலும் தொழில்நுட்பத்தில் “இந்திரஜித் ‘ – ‘தந்திர ஜித்தனாக ஜொலிக்கிறான்!”
