தமிழ் சினிமாவில் ரொமப காலமாக அம்மன் படங்கள் எடுக்கப்படாமல் நிறுத்தப்பட்டிருந்தது. முன்பெல்லாம் அம்மன் வேஷம் என்றாலே கே.ஆர்.விஜயாதான் அம்மன் ஆக இருப்பார்.
இப்போது பக்தி படங்கள் குறைந்து விட்டது. இந்த நிலையில் தமிழ் சினிமாவின் லேடி சூப்பர் ஸ்டார் நடிகை நயன்தாரா அம்மன் ஆக நடிக்க மூக்குத்தி அம்மன் என்ற படம் அறிவிக்கப்பட்டது.
அம்மன் வேஷத்தில் நடிக்கும் நயன்தாரா அந்த வேஷத்திற்கு மரியாதை செலுத்தும் விதமாக மாமிச உணவுகளை தவிர்த்தார். விரதம் இருந்தார். பல அம்மன் கோயிகளுக்கு விஜயம் செய்து வழிபட்டார்.
இந்த படத்தில் அம்மன் ஆக நடிப்பதால் தனது தயாரிப்பில் தான் நடிப்பதாக அறிவித்து தொடங்கிய நெற்றிக்கண் பட ஷூட்டிங்கை கூட தள்ளி வைத்தார்.
இந்த சூழலில் மூக்குத்தி அம்மன் படத்தில் நயன்தாரா அம்மன் வேஷத்தில் இருக்கும் டிசைனை இன்று வெளியிட்டது படக்குழு.
அதில் சிவப்பு சேலையில் கையில் சூலாயுதம் பிடித்தபடி நயன்தாரா அம்மன் வெஷத்தில் காட்சி தருகிறார்.
இந்த படத்தை RJபாலாஜி, என்.ஜே.சரவணன் இணைந்து இயக்கியுள்ளனர்.
இதில் நயன்தாராவுடன், ஆர்.ஜே.பாலாஜி, ஊர்வசி, ஸ்மிருதி வெங்கட், இந்துஜா உள்ளிட்டோர் நடித்துள்ளனர்.
