தீபாவளியில் ரஜினி, பொங்கல் நாளில் அஜீத் அதிரடி காட்டும் விஷால்!

தீபாவளியில் ரஜினி, பொங்கல் நாளில் அஜீத் அதிரடி காட்டும் விஷால்!

விஷாலின் வீரமே வாகை சூடும் படம் 2022 ஜனவரி 26-ம் தேதி குடியரசு தினத்தை முன்னிட்டு வெளியாகும் என்று அறிவித்திருந்த நிலையில் நேற்று அதன் மொத்த படப்பிடிப்பும் நிறைவடைந்து பூசணிக்காய் உடைத்தனர்.

விஷால் நடிப்பில் தொடர்ந்து அயோக்யா, ஆக்ஷன், சக்ரா, எனிமி என்று வரிசையாக ஆக்ஷன் படங்கள் ரிலீஸ் ஆனது. தீபாவளிக்கு எனிமி படத்தை ரிலீஸ் செய்தார்.

அதையடுத்து  திரைக்கு வரவிருக்கும் விஷால் படம் வீரமே வாகை சூடும். சரவணன் என்பவர் இதனை இயக்க, விஷாலின் விஷால் ஃபிலிம் பேக்டரி படத்தை தயாரிக்கிறது. 2022 ஜனவரி 26 படம் வெளியாகும் என அதிகாரப்பூர்வமாக அறிவித்திருந்தனர்.

என்ன காரணமோ திடீரென படம் பொங்கலுக்கு ரிலீஸ் ஆகும் என அறிவிக்கப்பட்டது.

ஏற்கனவே வைரஸ் காரணமாக தியேட்டர்களில் 50 சதவீத இருக்கைக்கு மட்டுமே அனுமதி அளிக்கப்பட்ட நிலையில் பொங்கல் பரிசாக அஜீத் நடித்த வலிமை ரிலீஸ் ஆகும் என ஏற்கனவே அறிவிக்கப்பட்டுள்ளது.

அதே நேரம் வலிமைக்கு நானும் சளைத்தவன் இல்லை என விஷாலின் வீரமே வாகை சூடும் ரிலீஸ் ஆகிறது.

ஏற்கனவே தமிழகத்தில் உள்ள பெரும்பாலான தியேட்டர்களில் வலிமை திரையிட முடிவு செய்த நிலையில் விஷால் படத்துக்கு தியேட்டர்கள் போதிய அளவு கிடைக்குமா எனபதிலும் பெரும் குழப்பம் நிலவி வருகிறது.

தீபாவளிக்கு ரஜினியின் அண்ணாத்த படத்துடன் தனது எனிமியை ரிலீஸ் செய்து களமாடிய விஷால் பொங்கலுக்கு அஜீத்தின் வலிமையுடன் மோதுகிறார்.