HOME SLIDER

கூட்டுறவு வங்கிகளில் விவசாயிகள் வாங்கிய ரூ.12,410 கோடி கடன் தள்ளுபடி முதல்-அமைச்சர் எடப்பாடி பழனிசாமி சட்டசபையில் இன்று 110-வது விதியின் கீழ் ஒரு அறிக்கை வாசித்தார். அதில் கூறி இருப்பதாவது:- விவசாயிகளுக்கு துயர் ஏற்படும்போதெல்லாம், அம்மா அரசு உதவிக்கரம் நீட்டி, அவர்களைக் காப்பதில் முன்னிலையில் இருந்து வருகின்றது. அதனால்தான், 2016 ஆம் ஆண்டு அம்மா மீண்டும் ஆட்சிப்பொறுப்பை ஏற்ற உடன், 31.3.2016 வரை நிலுவையில் இருந்த 5,318.73 கோடி ரூபாய் விவசாயக் கடன்களைத் தள்ளுபடி செய்தார். இதனால் 12.02 லட்சம் சிறு, குறு விவசாயிகள் பயன்பெற்றனர். 2017ஆம் ஆண்டில் ஏற்பட்ட கடும் வறட்சியின் காரணமாக இழப்பைச் சந்தித்த விவசாயப் பெருமக்களுக்கு 2,247 கோடி ரூபாய் வறட்சி நிவாரணத் தொகையாக அம்மாவின் அரசு வழங்கியது. இதைத் தொடர்ந்து, விவசாயிகளின் வாழ்வு செழிக்க, பல்வேறு நலத்திட்டங்களும், வ...

7 பேர் விடுதலை செய்யும் அதிகாரம் ஜனாதிபதிக்கு மட்டுமே உள்ளது - தமிழக ஆளுநர் முன்னாள் பிரதமர் ராஜீவ்காந்தி கொலை வழக்கில் தண்டனை பெற்று சிறையில் உள்ள பேரறிவாளன் உள்ளிட்ட 7 தமிழர்களை விடுதலை செய்வது தொடர்பாக தமிழக அமைச்சரவையில் தீர்மானம் நிறைவேற்றி ஆளுநருக்கு பரிந்துரை செய்யப்பட்டுள்ளது. 2 ஆண்டுகளுக்கு மேல் ஆகியும் ஆளுநர் இந்த பரிந்துரை மீது முடிவு எடுக்கவில்லை. இதற்கிடையே, பேரறிவாளன் தனது தண்டனையை நிறுத்தி வைத்து விடுவிக்கக்கோரி உச்ச நீதிமன்றத்தில் மனு தாக்கல் செய்தார். இந்த மனுவை நீதிபதி நாகேஸ்வர ராவ் தலைமையிலான அமர்வு விசாரித்து வருகிறது. இந்த வழக்கு விசாரணையின்போது, பேரறிவாளனை விடுதலை செய்யும் அதிகாரம் ஜனாதிபதிக்கு மட்டுமே உள்ளது என மத்திய அரசு முதலில் வாதிட்டது. பின்னர், மத்திய அரசு தனது நிலைப்பாட்டை மாற்றியது, தமிழக ஆளுநர் 3 அல்லது 4 நாட்களில் முடிவு எடுப்பார் என மத்திய அரசுத் தர...

மியான்மரில் பேஸ்புக் சேவைகளுக்கு இடைக்காலத்தடை தென்கிழக்கு ஆசிய நாடான மியான்மரில் கொரோனா அச்சுறுத்தலுக்கு மத்தியில் கடந்த ஆண்டு நவம்பர் மாதம் பொதுத்தேர்தல் நடைபெற்றது. இதில் அந்த நாட்டின் தலைவர் ஆங் சான் சூகி தலைமையிலான ஆளும் தேசிய ஜனநாயக கட்சி மீண்டும் வெற்றி பெற்றதாக அறிவிக்கப்பட்டது ஆனால் அந்த நாட்டு ராணுவம் தேர்தலில் பெரிய அளவில் முறைகேடுகள் நடந்ததாக குற்றம் சாட்டியதோடு, தேர்தல் முடிவுகளை ஏற்கவும் மறுத்தது. ஆனால் ராணுவத்தின் குற்றச்சாட்டு அடிப்படை ஆதாரமற்றவை என கூறி தேர்தல் ஆணையம் அதை நிராகரித்தது. இந்த விவகாரத்தில் மியான்மர் அரசுக்கும் அந்த நாட்டு ராணுவத்துக்கும் இடையே மோதல் போக்கு நீடித்து வந்த நிலையில், நேற்று முன்தினம் ராணுவம் அதிரடியாக ஆட்சியை கைப்பற்றியது. நாட்டின் தலைவர் ஆங் சான் சூகி, அதிபர் வின் மைன்ட் உள்பட முக்கிய அரசியல் தலைவர்கள் மற்றும் மூத்த அரசு அ...

‘M‘ என்ற முதல் எழுத்தை கொண்டிருக்கும் சர்வாதிகாரிகள் - ராகுல் டிவிட் ராகுல்காந்தி டுவிட்டர் பதிவு ஒன்றை இன்று வெளியிட்டுள்ளார். அதில் ஏன் பல சர்வாதிகாரிகள் ‘எம்‘ என்ற முதல் எழுத்தை கொண்டிருக்கிறார்கள் என்று குறிப்பிட்டு கீழ்கண்ட பெயர்களை எழுதியுள்ளார். மார்கோஸ், முசோலினி, மிலோசேவி, முபாரக், மோபோது, முஷ்ரப், மிகாம்பெரோ. அவர் பிரதமர் மோடியை மறைமுகமாக குறிப்பிட்டு இந்த பதிவை வெளியிட்டு இருப்பதாக கருதப்படுகிறது https://twitter.com/RahulGandhi/status/1356836500076261378?s=20...

அதிமுக-வை மீட்டெடுக்க சசிகலா சட்ட போராட்டம் நடத்துவார்: டி.டி.வி.தினகரன் அம்மா மக்கள் முன்னேற்றக்கழக அமைப்பு செயலாளர் மகேந்திரன் இல்ல திருமண விழா மதுரையில் இன்று நடைபெற்றது. இந்த திருமண விழாவில் கலந்துகொண்டு மணமக்களை வாழ்த்தி அ.ம.மு.க. பொதுச்செயலாளர் டி.டி.வி. தினகரன் பேசினார். அப்போது அவர் கூறியதாவது: சின்னம்மா மீதும், கழகத்தின் மீதும் உண்மையான விசுவாசமும், பற்றும் கொண்டவர் மகேந்திரன். அவரது மகள் திருமணத்தை நடத்தி வைப்பது, எனது மகள் திருமணத்தை நடத்துவது போன்ற மகிழ்ச்சி எனக்கு ஏற்பட்டுள்ளது. மணமக்களுக்கு அம்மாவின் ஆசியையும், சின்னம்மாவின் நல்வாழ்த்துகளையும் இந்த நேரத்தில் தெரிவித்துக் கொள்கிறேன். அ.தி.மு.க. பொதுச் செயலாளர் சின்னம்மா அவர்கள் இத்தனை நாள் எதற்காக சிறைவாசம் அனுபவித்தார்கள் என்பது எல்லோருக்கும் தெரியும். சிறைவாசம் முடிந்து பெங்களூருவில் தங்கியுள்ள சி...

சசிகலாவுக்கு பயந்து ஜெ.நினைவிடத்துக்கு தடை போட்ட எடப்பாடி அரசு! தமிழக முன்னாள் முதல்வர் ஜெயலலிதா நினைவிடம் சுமார் 80 கோடி செலவில் கட்டப்பட்டது. கடந்த 27ம் தேதி அந்த நினைவிடத்தை முதல்வர் எடப்பாடி பழனிச்சாமி திறந்து வைத்தார். அதே நேரம் அதே 27ம் தேதி ஜெ.,வின் நெருங்கிய தோழியும் அதிமுகவின் முன்னாள் பொதுச் செயலாளருமான சசிகலா பெங்களூரு சிறையில் இருந்து 4 ஆண்டுகள் தண்டனை முடிந்து விடுதலை ஆனார். அவரின் விடுதலை தமிழகத்தில் குறிப்பாக ஆளும் அதிமுகவில் பெரும் அதிர்வை ஏற்படுத்தும் என கூறப்பட்டது. இந்த சூழலில் சிறையில் இருந்து வெளியே வந்த சசிகலா இப்போது பெங்களூர் நகரத்தில் ஓய்வில் இருக்கிறார். அவர் சென்னை வரும் போது மிக பிரமாண்டமான மக்கள் கூட்டத்தோடு வரவேற்க தினகரன் தலைமையிலான அமமுக வேலைகள் செய்து வருகிறது. சசிகலா சென்னை வந்ததும் நேராக ஜெயலலிதா நினைவிடத்திற்கு செல்ல திட்டமிட்டருந்தார்...