நடிகர் சிம்பு வந்தா ராஜாவாதான் வருவேன் படத்துக்கு பின் உடல் எடை குறைக்க அமெரிக்கா சென்றார்.
அங்கு கடும் பயிற்சிகள் செய்து ஸ்லிம் ஆகி தம்பி குறளரசன் திருமண நேரத்தில் சென்னை திரும்பினார்.
இப்போது மாஜி காதலி ஹன்சிகாவின் 50வது படமான மஹாவில் நடித்து வருகிறார். இந்த படப்பிடிப்பு கோவாவில் நடந்து வருகிறது.
மஹா படத்தை முடித்து கொடுத்ததும் ஏற்கனவே ஒப்புக்கொண்ட படமான மாநாடு பட ஷூட்டிங்கில் சிம்பு கலந்து கொள்ள திட்டமிட்டு இருக்கிறார்.
மாநாடு படத்தை சுரேஷ் காமாட்சி தயாரிக்க வெங்கட் பிரபு இயக்குகிறார். இந்த படத்தின் முதற்கட்ட படப்பிடிப்பு மலேசியாவில் நடைபெற உள்ளது. இதற்காக படக்குழுவுக்கு விசாவுக்கு விண்ணப்பித்திருக்கிறார்கள். முன்னதாக இயக்குகிறார் வெங்கட் பிரபு உள்ளிட்ட டெக்னீஷியன்கள் மலேசியா சென்று படப்பிடிப்பு இடங்களை தேர்வு செய்கிறார்கள்.
மலேசியாவில் முதல் கட்ட படப்பிடிப்பை முடித்ததும் கோவையில் இரண்டாம் கட்ட படப்பிடிப்பு நடத்த மாநாடு டீம் முடிவு செய்து இருக்கிறதாம்.
சிம்புவின் மாநாட்டில் இயக்குனர் பாரதிராஜாவும் முக்கியமான கேரக்டரில் நடிக்கிறாராம்.
