இணையத்தில் மீண்டும் வைரலான உலகின் அதிவேக ஓட்டக்காரர்… காரணம் இதுதான்!
பிரபல ஜமைக்கா தடகள வீரர் உசேன் போல்ட் ஓய்வு பெற்று விட்டார். உசேன் போல்ட் தன் பார்ட்னர் கசி பென்னட்டுடன் சேர்ந்து வாழ்ந்து வருகிறார். 8ம் தேதி கசி பென்னட்டின் பிறந்தநாள் . இதையொட்டி , தன் மகளின் புகைப்படத்தை முதன்முறையாக சமூக வலைத்தளத்தில் உசேன் போல்ட் பகிர அது பெரும் வைரலானது.
கடந்த ஜூன் 14- ந் தேதி உசேன் போல்ட் , கசி பென்னட் தம்பதிக்கு பெண் குழந்தை பிறந்தது அந்த குழந்தைக்கு ஒலிம்பியா லைட்னிங் என்று பெயர் வைக்கப்பட்டது.
தன் அன்பு காதலியின் பிறந்த நாளை முன்னிட்டு, சமூகவலைத்தளத்தில் கசி பென்னட்டுடன் மகள் இருப்பது போன்ற புகைப்படங்களை உசேன் போல்ட் வெளியிட்டு, ” என் காதலிக்கு பிறந்த நாள் வாழ்த்துகள். இந்த சிறந்த நாளை உன்னுடன் நான் கழித்தேன். உன்னை சந்தோஷமாக வைத்துக் கொள்வதும் உன் முகத்தில் சிரிப்பை பார்ப்பது மட்டும் எனக்கு முக்கியமானது. வேறு எதுவும் எனக்கு தேவையில்லை. நம் மகள் ஒலிம்பியா லைட்னிங் போல்ட்டுடன் இணைந்து புதிய வாழ்க்கையை தொடங்குவோம்” என்று குறிப்பிட்டு தன் மகிழ்ச்சியை வெளிப்படுத்தி உள்ளார்.
2017ம் ஆண்டு தடகள போட்டிகளில் இருந்து உசேன் போல்ட் ஓய்வு பெற்றாலும் இவரது சாதனைகள் இதுவரை முறியடிக்கப்படவில்லை.
