Casting : Vijay Sethupathi, Anurag Kashyap, Natraj, Abirami, Mamta Mohandas, Saingam Puli, Arul Das, Munishkanth, Sachana Nemidas, Boys Manikandan, Kalayan, Kalki
Directed By : Nithilan Swaminathan Music By : B Ajaneesh Loknath Produced By : Sudhan Sundaram, Jagadish Palanisamy
சலூன் கடை நடத்தி வரும் விஜய் சேதுபதி, பள்ளி படிக்கும் தனது மகளுடன் சென்னையின் புறநகர் பகுதியில் வசித்து வருகிறார். அவரது மகள் விளையாட்டு முகாமுக்காக வெளியூர் சென்றிருக்கும் நிலையில், தனது வீட்டில் இருக்கும் லட்சுமி காணவில்லை, என்று காவல் நிலையத்தில் புகார் அளிக்கும் விஜய் சேதுபதி, முகமூடி அணிந்த மூன்று பேர் தன்னை தாக்கிவிட்டு லட்சுமியை திருடிச் சென்றுவிட்டதாக சொல்கிறார்.
திருடப்பட்ட லட்சுமி யார்? என்பதை தெரிந்துக் கொண்டு கோபமடையும் ஒட்டுமொத்த காவல் நிலையமும் விஜய் சேதுபதியை கொல்லாத குறையாக விரட்டியடிக்கிறது. ஆனாலும், விடாபிடியாக லட்சுமியை கண்டுபிடித்து கொடுக்குமாறு தொல்லை கொடுக்கும் விஜய் சேதுபதி, தனது லட்சுமியை கண்டுபிடித்து கொடுத்தால் ரூ.7 லட்சம் கொடுப்பதாக சொல்கிறார். இப்படி ஒரு சாதாரண விசயத்துக்கு இவ்வளவு பணமா..! என்று ஆச்சரியப்படும் போலீஸ் இன்ஸ்பெக்டர் நட்டி, விஜய் சேதுபதியின் லட்சுமியை தேடும் முயற்சியில் ஈடுபடுகிறார்.
அதே சமயம், லட்சுமிக்காக காவல் நிலையத்தை விட்டு நகராத விஜய் சேதுபதியின் அடுத்தடுத்த செயல்கள், அவர் லட்சுமிகாக காவல் நிலையத்திற்கு வரவில்லை, வேறு எதற்காகவோ வந்திருக்கிறார், என்பதை புரிய வைத்து விடுகிறது. அது என்ன? என்பதை பலவிதமான திருப்பங்களுடன் சொல்வதே ‘மஹாராஜா’.
படத்தின் ஆரம்பம் முதல் முடிவு வரை நிரம்பி வழிகின்ற அளவுக்கு திரையில் பல திருப்பங்கள் இருந்தாலும், முதல் திருப்பம், லட்சுமி யார்? என்பது தான். கடைசிவரை அந்த டிவிஸ்ட்டை கொண்டுபோகாமல் அடுத்தடுத்து வேறு வேறு திருப்பங்களோடு திரைக்கதை நகர்வது படத்திற்கு பலம் சேர்க்கிறது.
பெரும்பாலும் நடிகர்களின் கால் சத, அரைச்சத, சதமடிக்கிற படங்கள் வெற்றி பெருவதில்லை… விஜய்சேதுபதிக்கு அப்படியில்லாமல் அவரது 50தாவது படமாக இந்த கதை அவரை மகாராஜாவாக உயர்த்தி இருக்கிறது.
அனுராக் காஷ்யப் அன்பான குடும்பத்தலைவனாக ஒரு முகமும், கொடூர கொலைகாரனாக இன்னொரு முகமும் நன்றாகவே பொறுந்திப் போகிரது. காமெடி வேடங்களில் வந்து போன சிக்கம்புலி சில இடங்களில் மிரட்டி பல இடங்களில் அடடே போட வைக்கிறார். அப்பாவியான அபிராமி இன்னும் அழகாகவே இருக்கிறார்.
லஞ்சம் வாங்கும் போலீஸ் அதிகாரியாக வந்தாலும் கிளைமாக்ஸ்க்கு முன் திடீர் திருப்பம் கொடுக்கும் நட்டி ரோல் அப்ளாஸ் வாங்க வைக்கிறது. முனீஸ்காந்த், சரவணசுப்பையா, தேனப்பன், பாரதிராஜா, மம்தாமோகன்தாஸ் என பலரும் அவரர் வேலையை சரியாக செய்கிறார்கள்.
படம் முழுவதிலும் வெவ்வேறு வடிவில் சஸ்பென்ஸ்கள் பயணிப்பதும், நான்-லீனர் முறையில் கதையை திறமையாக சொன்னதோடு, ரசிகர்களுக்கு புரியும்படி சொல்லியிருப்பதும் படத்திற்கு பலம்
பாடல்களைவிட பின்னணி இசை படத்துக்கு பலம் சேர்க்கிறது. மிதமிஞ்சிய வயலன்சை கொஞ்சம் குறைத்திருக்கலாம். சவரக்கத்தி, நடுவுல கொஞ்சம் பக்கத்த காணோம், மகா நதிஎன பல படங்கள் நினைவுக்கு வந்து போனாலும் திரைக்கதையை சொன்ன வித்தத்தில் இயக்குனர் நித்திலன் வெற்றி பெறுகிறார்.
மொத்தத்தில் லட்சுமியை தேடும் மகாராஜா ரசனையானவர்தான்.
கோடங்கி
மதிப்பீடு 3.5/5