கருணாஸ் – நிமிஷா சஜயன் நடிப்பில், சஜீவ் பழூர் இயக்கத்தில் வெளியாகியிருக்கும் ‘என்ன விலை’ ஒரு சாதாரண மனிதன், அதிகார அமைப்பில் சிக்கிக்கொண்டால் அவனுடைய வாழ்க்கை எப்படி தலைகீழாகிறது என்பதை அழுத்தமாக பேச முயற்சித்த படம் என்ன விலை…
ஒரு வரிக்கதை…
ராமேஸ்வரத்தில் திதிக்காக கடலில் பக்தர்கள் வீசும் சில்லறைகளை சேகரித்து குடும்பத்தை நடத்தும் கருணாஸ்.
ஒருநாள் அவருடைய கையில் எதிர்பாராத விதமாக விலை உயர்ந்த தங்கம் கிடைக்கிறது.
“இது எனக்கு வேண்டாம்… உரியவர்களிடம் ஒப்படைத்துவிடலாம்” என்று அதை போலீஸிடம் கொடுக்கிறார்.
அதுதான் அவருக்கு வினையாகிறது!
நேர்மையாக நடந்துகொண்ட மனிதரே திருட்டு வழக்கில் சிக்குகிறார்.
அதற்குப் பிறகு போலீஸ் → வழக்கு → நீதிமன்றம் → வழக்கறிஞர் என்று கதை நகர்கிறது…. நிற்கிறது… முடிவை நோக்கி ஓடுகிறது…
கருணாஸ்
இதுவரை நாம் பார்த்த கருணாஸை விட முற்றிலும் வேறுபட்ட பரிமாணம்.
காமெடி இல்லை.
கலாய்ப்பு இல்லை.
Hero build-up இல்லை.
தனது குடும்பத்திற்காக தவிக்கும் ஒரு சாதாரண மீனவர்.
“நான் தப்பு செய்யல…” என்று தன்னுடைய உண்மையை நிரூபிக்க முடியாமல் தவிக்கும் காட்சிகளில் கருணாஸின் முகபாவனையே நிறைய பேசுகிறது. ஒரு சாமானியன் தவிப்பை திரையில் காட்டுகிறார் கருணாஸ்.
‘போகுமிடம் வெகுதூரமில்லை’க்குப் பிறகு கருணாஸுக்கு கிடைத்திருக்கும் இன்னொரு முக்கியமான படம்.
நிமிஷா சஜயன் — Court-ல் செம!
படத்தின் இரண்டாவது பெரிய பலம் நிமிஷா சஜயன்.
கருணாஸுக்காக வாதாடும் வழக்கறிஞர் காஞ்சனா கதாபாத்திரத்தில் வருகிறார்.
இடைவேளைக்குப் பிறகு படம் பெரும்பாலும் நீதிமன்றத்தை நோக்கி நகரும்போது, நிமிஷாவின் வாதங்கள்தான் படத்துக்கு வேகம் கொடுக்கின்றன.
குறிப்பாக அவர் கேட்கும் கேள்விகள்:
“ஒரு சாமானியன் மீது அமைப்பு தவறான முடிவு எடுத்தால், அவனுடைய வாழ்க்கைக்கு யார் பொறுப்பு?”
என்ற மையக் கேள்வியைச் சுற்றியே படம் வலுப்பெறுகிறது.
நிமிஷா சஜயன் வந்த பிறகுதான் படம் உண்மையாக சூடு பிடிக்கிறது என்று சொல்லலாம்.
படத்தின் மிகப்பெரிய கேள்வி
கடலில் கிடைத்த அந்த தங்கம் யாருக்கானது…?
அரசாங்கத்திற்கா?
அதை கண்டுபிடித்தவருக்கா?
அல்லது உண்மையான உரிமையாளருக்கா?
இதிலிருந்து இயக்குநர் ஒரு பெரிய விவாதத்துக்குள் செல்கிறார்.
சட்டம், தனிமனித உரிமை, அதிகாரம், ஏழை–அரசு உறவு, போலீஸ் அதிகாரம் என பல விஷயங்களை படம் கேள்வி கேட்கிறது.
இதுதான் படத்தின் அடிப்படை பலம்.
முதல் பாதி:
“அடுத்து என்ன?”
என்று நம்மை சுவாரஸ்யமாக இழுத்துக் கொண்டு போகிறது.
ஆனால் இரண்டாம் பாதியில் தொடர்ந்து வரும் நீதிமன்ற விவாதங்கள் சில இடங்களில்:
“சரி… point புரிஞ்சிடுச்சு… இன்னும் எவ்வளவு நேரம்?”
என்று நினைக்க வைத்து ஜவ்வாக இழுத்துக் கொண்டிருக்கிறது…
ராமேஸ்வரம் — கதையின் இன்னொரு கதாபாத்திரம்!
ஆல்பி ஆண்டனியின் ஒளிப்பதிவு படத்தின் அழகான அம்சம்.
கடல், மீனவர்களின் வாழ்க்கை, ராமேஸ்வரத்தின் இயற்கை சூழல் ஆகியவை வெறும் background-ஆக இல்லாமல் கதையோடு பயணிக்கின்றன.
சாம் C.S.-ன் இசையும் குறிப்பாக emotional மற்றும் tense காட்சிகளுக்கு வலு சேர்க்கிறது.
மற்ற நடிகர்கள்
விஜயலட்சுமி வீரமணி — கருணாஸின் மனைவியாக இயல்பான நடிப்பு.
மோகன் ராமன் — போலீஸ் கதாபாத்திரத்தில் வேறுபட்ட shade.
Y.G. மகேந்திரன், லொள்ளு சபா சுவாமிநாதன் உள்ளிட்டோர் court portions-ல் வருகின்றனர்.
பூர்ணிமா பாக்யராஜ் நீதிபதியாகவும், பிரபு முதல்வராகவும் தோன்றுகிறார்கள்.
ஆனால் ஒரு விஷயம் சொல்லியே ஆக வேண்டும்!
படம் பேசும் கருத்து நிஜ வாழ்க்கையில் சாத்தியமான பிரச்சினையை அடிப்படையாகக் கொண்டிருந்தாலும், சில முக்கியமான சம்பவங்கள் மற்றும் இறுதித் தீர்வு நடைமுறை சட்ட அமைப்புடன் முழுமையாக ஒத்துப் போகவில்லை என்றாலும் இது திரைப்படம் என்பதால் சினிமாவுக்கு லாஜிக் இல்லை ஒன்லி ஆடியன்சை இழுக்கும் மேஜிக் மட்டுமே.
அதனால்:
படத்தை Documentary மாதிரி பார்க்கக்கூடாது.
Courtroom commercial drama-வாக பார்க்க வேண்டும்.
கோடங்கி Verdict
‘என்ன விலை’ — தலைப்பு மட்டும் கேள்வி இல்லை; படம் முழுவதுமே ஒரு கேள்வி.
நேர்மைக்கு என்ன விலை?
தன்மானத்திற்கு என்ன விலை?
அதிகாரத்திடம் சிக்கிய சாமானியனின் வாழ்க்கைக்கு என்ன விலை?
இந்தக் கேள்விகளை படம் வலுவாக முன்வைக்கிறது.
கருணாஸின் நடிப்பு — பெரிய plus.
நிமிஷா சஜயன் — படத்தின் இன்னொரு பெரிய plus.
கோர்ட் காட்சிகள் — படத்தின் backbone.
ராமேஸ்வரம் visuals — நல்ல பலம்.
திரைக்கதை — சில இடங்களில் தேவைக்கு அதிகமாக இழுப்பதுதான் சலிப்பு.
ஒரே வரியில்:
“கடலில் கிடைத்த தங்கத்தை போலீஸிடம் கொடுத்ததுக்கு கருணாஸுக்கு கிடைச்சது என்ன? — திருட்டுப் பட்டம்! அதிலிருந்து கோர்ட்டுக்குப் போய் உண்மையை தேடுற பயணம்தான் ‘என்ன விலை’… கேள்வி நல்ல கேள்விதான்; பதில் சொல்ல வந்த இடத்துல கொஞ்சம் இழுத்துட்டாங்க!”
கோடங்கி மதிப்பீடு: 3 / 5
