தினகரனுடன் மோதல் ஏற்பட்டதால் அமமுகவில் இருந்து விலகி ஸ்டாலின் முன்னிலையில் தங்க தமிழ்ச்செல்வன் திமுகவில் இணைந்தார்.
தினகரனின் வலது கரமாக இருந்த தங்க தமிழ்ச்செல்வன் திடீரென தினகரனை விமர்சிக்க ஆரம்பித்தார்.
ஒரு கட்டத்தில் இந்த முட்டல் மோதல் உச்சகட்டத்தை அடைந்ததால் தங்க தமிழ்ச்செல்வன் அமமுகவில் இருந்து நீக்கப்படுவார் என தினகரன் அறிவித்தார்.
இந்த நிலையில் தங்க தமிழ்ச்செல்வன் அதிமுகவில் இணைய திட்டமிட்டுள்ளார் என்றும் முதல்வர் எடப்பாடி பழனிச்சாமி தரப்பில் அதற்கு பச்சைக்கொடி காட்டி விட்டதாகவும், ஓ.பி.எஸ் தரப்பில் எதிர்ப்பு இருப்பதாகவும் கூறப்பட்டது.
இந்த நிலையில் தங்க தமிழ்ச்செல்வன் திடீரென திமுக தலைவர் ஸ்டாலினை சந்தித்து திமுகவில் இணைந்தார்.
இதற்கு முன்பே தங்க தமிழ்செல்வனை அமமுகவில் இருந்து நீக்கிவிட்டதாக தினகரன் அறிவித்திருந்தார்.
இதற்கிடையில் அமமுகவில் இருந்து வெளியேறிய செந்தில் பாலாஜி மற்றும் வி.பி.கலைராஜன் ஏற்கனவே திமுகவில் இணைந்துள்ள நிலையில், இவர்கள் வரிசையில் தங்க தமிழ்ச்செல்வனும் இணைந்து உள்ளார்.
ஸ்டாலினுக்கு பூங்கொத்து வழங்கியும், மஞ்சள் சால்வை அணிவித்தார். இருவரும் சிரித்தப்படி கை குலுக்கினர்.
தங்க தமிழ்ச்செல்வன் மட்டுமின்றி அவரது ஆதரவாளர்களும் திமுகவில் இணைந்தார்.