நடிகர் அஜித்தின் வலிமை திரைப்படம் பிப்ரவரி 24-ம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.
‘நேர்கொண்ட பார்வை’ படத்தைத் தொடர்ந்து நடிகர் அஜித் ‘வலிமை’ படத்தில் நடித்தார். இந்த படத்தை எச்.வினோத் இயக்கியுள்ளார்.
வலிமை படத்தில் அஜித்துக்கு ஜோடியாக பாலிவுட் நடிகை ஹூமா குரேஷி நடிக்க, யோகிபாபு நகைச்சுவை கதாபாத்திரத்திலும், தெலுங்கு நடிகர் கார்த்திகேயா வில்லனாகவும் நடித்துள்ளனர்.
யுவன் சங்கர் ராஜா இசையமைத்துள்ள இப்படத்திற்கு நிரவ் ஷா ஒளிப்பதிவு செய்துள்ளார்.
முன்னதாக ‘வலிமை’ படத்தின் ஃபர்ஸ்ட் லுக் மற்றும் மோஷன் போஸ்டர் வெளியாகி ரசிகர்களை உற்சாகப்படுத்தியது. அதோடு படத்தின் பாடல்கள், முன்னோட்டம் ஆகியவை வெளியாகி வரவேற்பைப் பெற்றது
இந்நிலையில் படம் எப்போது வெளியாகும் என ஆவலுடன் காத்துக் கொண்டிருந்தனர் ரசிகர்கள். ஆனால் கொரோனா பரவல் காரணமாக பெரும்பாலான படங்களின் வெளியீடுகள் தள்ளிப் போனதைப் போல, அஜித்தின் வலிமை வெளியீடும் தள்ளிப்போனது.
தற்போது அஜித் ரசிகர்களுக்கு ஒரு மகிழ்ச்சியான செய்தி வெளியாகியிருக்கிறது. அது என்னவென்றால் வலிமை திரைப்படம்வரும் பிப்ரவரி 24-ம் தேதி திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.
இதையடுத்து மிகுந்த உற்சாகத்தில் இருக்கிறார்கள் ரசிகர்கள்!
#valimaireleasedateannouncementFeb24 @BoneyKapoor @BayViewProjOffl @ZeeStudios_ @SonyMusicSouth @thisisysr @DoneChannel1 pic.twitter.com/gugZFuko1s
— Suresh Chandra (@SureshChandraa) February 2, 2022
