NEWS

அரியவகை மான்களை வேட்டையாடியதாக பாலிவுட் நடிகர் சல்மான் கான் உள்பட 5 பேர் மீது ஜோத்பூர் முதன்மை நீதித்துறை மாஜிஸ்திரேட்டு கோர்ட்டில் வழக்கு தொடரப்பட்டது. மேலும் துஷ்யந்த் சிங் என்ற உள்ளூர்வாசியும் இந்த வழக்கில் சேர்க்கப்பட்டார். கடந்த 20 ஆண்டுகளாக நடந்து வந்த இந்த வழக்கின் விசாரணை முடிவடைந்த நிலையில் நேற்று முன்தினம் தீர்ப்பு அளிக்கப்பட்டது. அப்போது, நடிகர் சல்மான் கானுக்கு 5 ஆண்டு சிறைத்தண்டனையும், ரூ.10 ஆயிரம் அபராதமும் விதித்து நீதிபதி உத்தரவிட்டார். குற்றம் சாட்டப்பட்ட நடிகர் சயீப் அலிகான், நடிகைகள் நீலம், சோனாலி பிந்த்ரே, தபு மற்றும் உள்ளூர்வாசியான துஷ்யந்த் சிங் ஆகிய அனைவரும் விடுதலை செய்யப்பட்டனர். இதைத்தொடர்ந்து சல்மான்கான் உடனடியாக ஜோத்பூர் மத்திய சிறையில் அடைக்கப்பட்டார். அதன்பின்னர் அவருக்கு ஜாமீன் கேட்டு அமர்வு நீதிமன்றத்தில் மனுத்தாக்கல் செய்யப்பட்டது. இந்த மனுவை நேற்று வ...

கடந்த 4-ஆம் தேதி முதல் ஆஸ்திரேலியாவில் 71 நாடுகள் பங்கேற்கும் காமன்வெல்த் போட்டிகள் விறுவிறுப்பாக நடைபெற்று வருகிறது. இந்த போட்டியில் ஆஸ்திரேலியா 41 பதக்கங்களை வென்று முதலிடத்திலும், 23 பதக்கங்களை பெற்று இங்கிலாந்து இரண்டாம் இடத்திலும் உள்ளது. இந்த காமன்வெல்த் போட்டியில் இந்தியா, இரண்டு தங்கம், ஒரு வெள்ளி, ஒரு வெண்கல பதக்கங்களை பதிவு செய்துள்ளது. இதனை தொடர்ந்து தற்போது இந்தியா ஒரு தங்க பதக்கத்தை வென்றுள்ளது. இந்த போட்டியில் ஆடவர் 77கிலோ பளு தூக்கும் போட்டியில் கலந்து கொண்ட தமிழகத்தின் வேலூரை சேர்ந்த சதீஷ்குமார் சிவலிங்கம், முதலிடத்தை பிடித்து தங்கம் வென்றுள்ளார். இதன் மூலம் இந்தியாவிற்கு மூன்றாவது தங்கத்தை சதீஸ்குமார் பதிவு செய்துள்ளார். இவர் ஏற்கனவே கடந்த 2014-ஆம் ஆண்டில் நடைபெற்ற காமன்வெல்த் போட்டியிலும் தங்க பதக்கத்தை வென்றுள்ளார். தமிழக வீரரின் இந்த சாதனைக்கு நமது இந்தியாவின்...

 தேசியகொடி அல்லது இந்திய அரசமைப்பு சட்டத்தை அவமதிக்கும் வகையில் செயல்பட்டால் சட்டப்படி நடவடிக்கை எடுக்கப்படும் என சென்னை மாவட்ட ஆட்சியர் அன்புசெல்வன் எச்சரிக்கை விடுத்துள்ளார். பொது இடத்தில் தேசிய கொடியை அவமதிப்பது, சேதப்படுத்துவது போன்ற செயல்களை தடுக்கும் வகையில் மாவட்ட ஆட்சியர்கள் பல்வேறு நடவடிக்கைகளை எடுத்து வருகின்றனர். இந்நிலையில் பொது இடத்தில் தேசியகொடி அல்லது இந்திய அரசமைப்பு சட்டத்தை அவமதிக்கும் வகையில் செயல்பட்டால் சட்டப்படி நடவடிக்கை எடுக்கப்படும் என சென்னை மாவட்ட ஆட்சியர் அன்புசெல்வன் கூறியுள்ளார். இதுதொடர்பாக அவர் வெளியிட்டுள்ள அறிக்கையில், தேசிய கொடியை அல்லது இந்திய அரசியலைப்புச் சட்டத்துடன் தொடர்புடைய பகுதியை எரிக்கிற, சிதைக்கிற, அழிக்கிற, மிதிக்கிற அல்லது அவமதிக்கிற செயலில் ஈடுபட்டால் 3 ஆண்டுகள் சிறை தண்டனை மற்றும் அபராதம் விதிக்கப்படும் என்று ஆட்சியர் எச்ச...

காவிரி மேலாண்மை வாரியம் அமைக்க வலியுறுத்தி போராட்டம் நடத்தி கைதான திமுக செயல்தலைவர் மு.க.ஸ்டாலின் மற்றும் தோழமை கட்சி தலைவர்கள் விடுவிக்கப்பட்டனர். மேலும் முழு அடைப்புப் போராட்டம் நூறு சதவிகிதம் வெற்றியடைந்துள்ளதாக திமுக செயல் தலைவர் ஸ்டாலின் தெரிவித்துள்ளார். காவிரி மேலாண்மை வாரியம் அமைக்கக் கோரி முதல் கட்டமாக இன்று (ஏப்ரல் 5) முழு அடைப்புப் போராட்டம் நடைபெற்றது. இதையடுத்து, தமிழகம் முழுவதும் ரயில் மறியல், சாலை மறியல் உள்ளிட்ட பல்வேறு போராட்டங்கள் முன்னெடுக்கப்பட்டன. போராட்டத்தில் ஈடுபட்ட ஆயிரக்க ணக்கானோரைக் காவல் துறையினர் கைதுசெய்தனர். மெரினா கடற்கரை முன்பு சாலையில் அமர்ந்து போராட்டத்தில் ஈடுபட்ட ஸ்டாலின் உள்ளிட்ட தலைவர்கள் கைது செய்யப்பட்டு, புரசைவாக்கத்திலுள்ள தனியார் திருமண மண்டபத்தில் தங்க வைக்கப்பட்டனர். அங்கு செய்தியாளர்களிடம் பேசிய திமுக செயல்தலைவர் ஸ்டாலின், "இதற்கு முன்பு...

காவிரி மேலாண்மை வாரியம் அமைக்க கோரி அதிமுக சார்பில் சென்னையில் நடைபெற்று வரும் உண்ணாவிரதப் போராட்டத்தில் முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வமும் பங்கேற்றுள்ளனர். காவிரி விவகாரம் தொடர்பான வழக்கில் கடந்த பிப்ரவரி 16 -ஆம் தேதி முக்கிய தீர்ப்பை உச்சநீதிமன்றம் வழங்கியது. அந்த தீர்ப்பில் காவிரி மேலாண்மை வாரியத்தை 6 வாரத்திற்கு அமைக்க வேண்டும் என மத்திய அரசுக்கு உச்சநீதிமன்றம் உத்தரவிட்டது. ஆனால் மத்திய அரசு உச்சநீதிமன்ற உத்தரவை அமல்படுத்தாமல் காலம் தாழ்த்தி வந்தது. இதற்கிடையே இந்த கெடு கடந்த வியாழக்கிழமை முடிவடைந்தது. எனினும் காவிரி மேலாண்மை வாரியத்தை மத்திய அரசு அமைக்கவில்லை. மேலும் 3 மாத கால அவகாசம் கேட்டு உச்சநீதிமன்றத்தில் மனு தாக்கல் செய்துள்ளது. இதனால், மத்திய அரசைக் கண்டித்து தமிழகம் முழுவதும் போராட்டங்கள் தீவிரமடைந்துள்ளன. இந்த நிலையில், காவிரி மேலாண்மை வாரியம...

 நாட்டின் சக்திவாய்ந்த மனிதர்கள் பட்டியலில் நடிகர் ரஜினிகாந்த் 78-வது இடத்தைப் பிடித்துள்ளார். இந்தியாவில் உள்ள சக்தி வாய்ந்த மனிதர்கள் குறித்து பிரபல ஆங்கில நாளிதழ் ‘தி இந்தியன் எக்ஸ்பிரஸ்’ஆய்வு ஒன்றை மேற்கொண்டது. அதில் 100 பேரை தேர்வு செய்து ஒரு பட்டியலை வெளியிட்டுள்ளது. இதன் பட்டியலில் பிரதமர் மோடி முதலிடத்தில் உள்ளார். அவருக்கு அடுத்தபடியாக பாஜக தேசியத் தலைவர் அமித் ஷா 2-வது இடமும், உச்சநீதிமன்ற தலைமை நீதிபதி தீபக் மிஸ்ரா 3-வது இடமும், ஆர்.எஸ்.எஸ் தலைவர் மோகன் பகவத் 4-வது இடத்திலும் உள்ளார். காங்கிரஸ் முன்னாள் தலைவர் சோனியா காந்தி இந்தப் பட்டியலில் 5-வது இடம் பிடித்துள்ளார். இந்தப்பட்டியலில் தமிழக முதல்வர் எடப்பாடி பழனிச்சாமிக்கு 64-வது இடம் கிடைத்துள்ளது. துணை முதல்வர் ஓ.பன்னீர்செல்வம் 65-வது இடத்தில் உள்ளார். இந்தப் பட்டியலில் ரஜினிகாந்த் 78-வது இடத்தைப் பிடித்துள்ளார். விரைவில் அர...

காவிரி மேலாண்மை வாரியம் அமைக்க வலியுறுத்தி ஏப்ரல் 5ம் தேதி தமிழகத்தில் அனைத்துக் கட்சிசார்பில்  முழு அடைப்பு போராட்டம் நடைபெறும் என திமுக செயல் தலைவர் மு.க .ஸ்டாலின் தெரிவித்துள்ளார். காவிரி மேலாண்மை வாரியம் அமைக்க மத்திய அரசு காலம் தாழ்த்தி வரும் நிலையில், பல்வேறு கட்சியினர், பொதுமக்கள் போராட்டத்தில் ஈடுபட்டு வருகின்றனர். இந்த நிலையில், சட்டமன்ற எதிர்க்கட்சியான திமுக சார்பில், அதன் செயல் தலைவர் மு.க. ஸ்டாலின் தலைமையில் சென்னை அறிவாலயத்தில் இன்று அனைத்துக் கட்சி கூட்டம் நடைபெற்றது.. இந்த அனைத்துக் கட்சி கூட்டத்தில், காவிரி விவகாரம், நியூட்ரினோ ஆய்வு மற்றும் மீத்தேன் உள்ளிட்ட பிரச்சனைகள் குறித்து ஆலோசிக்கப்பட்டது. இதில், காங்கிரஸ், விடுதலை சிறுத்தைகள், ம.தி.மு.க., கம்யூனிஸ்டு மற்றும் தி.க. மனித நேய மக்கள் கட்சி உள்ளிட்ட கட்சிகள் பங்கேற்றன. தே.மு.தி.க.விற்கு தி.மு.க. சார்பில் கூ...

உலகம் முழுவதும் உள்ள கிறிஸ்துவ மக்கள் ஈஸ்டர் திருநாளை இன்று கொண்டாடிவருகின்றனர். இந்நிலையில், குடியரசு தலைவர் ராம்நாத் கோவிந்த், துணை குடியரசு தலைவர் வெங்கைய்யா நாயுடு, பிரதமர் நரேந்திர மோடி ஆகியோர் தங்கள் வாழ்த்துக்களை தெரிவித்துள்ளனர். ஈஸ்டர் கிறித்தவர்களின் முக்கியமான பண்டிகையாகும். இயேசு சிலுவையில் அறையப்பட்டு, அடக்கம் செய்யபட்டார். சிலுவையில் அறைந்த நாள் புனித வெள்ளியாக என்ற பெயரில் அழைக்கப்படுகிறது. அடக்கம் செயததில் இருந்து 3 ஆம் நாள் இயேசு உயிர்த்தெழுந்தார். அவர் உயிர்த்தெழுந்த நாளே ஈஸ்டர் திருநாளாக ஒவ்வொரு ஆண்டும் கொண்டாடப்பட்டு வருகிறது. இந்நாளில் இந்திய குடியரசு தலைவர், துணை குடியாரசு தலைவர், பிரதமர் ஆகியோர் மக்களுக்கு தங்கள் வாழ்த்துக்களை தெரிவித்துள்ளனர். குடியரசு தலைவர் வாழ்த்து குடியரசு தலைவர் ராம்நாத் கோவிந்த் டுவிட்டரில், ”ஈஸ்டர் திருநாளான இன்று, குடிமக்...